मृत्युको
नजिक निसास्सिएका एकाध मकै हाँडिबाट उछिट्टिएर संसार नियाल्न आइपुग्छ ।
- अर्कै दुनिया
- भुलेर पीडा
- मृत्युको स्वाद
- अनि, क्रान्ति गर्छ । डडेर मरेका निम्ति ।
- सिकाउछ मृत्युको पाठ
- बिकाउछ बोलि
कति दिनसम्म
पृथ्वीको हाँडिभित्र भुटिएर बस्न सक्लान् मान्छे ? हाँडिबाट उछिट्टिएर आएका मकै जस्ताले हाकेको दुनियाँमा जीन्दगी सुकाएर । थाहा
छ सबैलाई ।
अब, उछिट्टिन चाहँदैन ती मान्छे
।
- फोडेर भ्रम ।
- फोडेर भैभव ।
- फोडेर अन्याय ।
- फोडेर हरथोक अनि पृथ्वी ।
ऊ चाहदैन नयाँ घाम र
नयाँ प्रकाश । नयाँ दनियाँ । नयाँ देश । नयाँ शहर । नयाँ गाउ र बस्ती ।
फेर्न चाहदैन अरूको हैसियत
र सान;
- भुलिसक्यो उसले आफ्नो औकात
- भुलिसक्यो उसले आफ्नो धर्म
- भुलिसक्यो उसले आफ्नो कर्म
- भलिसक्यो उसले सबथोक र बनाउँछ उसको छुट्टै रंगिन दुनिया र रंगिन जीन्दगी ।
- अनि गर्छ ठुला कुरा ।
- पुर्न पृथ्वी ।
- पुर्न तिमी र म जस्ता ।
आऊ नपर्खौँ - 'तीनले देखेका त्यो दिन'
आऊ नकुरौँ - 'अब तीनले सजाउने दिन'
आऊ नदेखौँ - 'तीनले बुनेका सपना'
एकदिन;
तिमी र म मिल्नै पर्छ
मेरा लागि र तिम्रा लागि
आउ मिलेर
बन्द गरिदिउ ढकनी
उछिट्टिन नपाउन् ठेट्ना
आउ मिलेर
फोडिदिउ
अनि 'यो पृथ्वी'
@ सन्तोष पौडेल - सन्तु
No comments:
Post a Comment