आमा

उबेला,

सानै छँदा;

घर माथिको सुलिथुम्का डाँडालाई,

बिहानै,

घामको पहेलो फुर्कोले चुम्दा;

लिप्दै गरेकी आमालाई,

झ्यालबाट म सोध्थे?

आमा;

घामले झैँ परैबाट चुम्देउ न !

सानो स्वरमा;

आमाको जवाफ कानतिर उक्लिन्थ्यो,

तँलाइ छाडि,

आकाश चाँडै उक्लिनु परे,

चन्द्रमाको फुर्कोको सहायताले;

चुम्दिउला;

सुम्सुमाउला;

चन्द्रमा झुल्किदाँ,

मुन्टो झ्यालबाहिर निकाल्नु;

...

'आमा' सम्झेर;

धेरैले मुन्टो निकाल्थे रे !

'आमा' -सुनाउथिन;

उबेला,

सानै छँदा;