Wednesday, December 26, 2012

देश मनपर्छ


अँध्यारो,
पढ्नु नपर्ने,
जुरुक्क, उठ्नै नपर्ने,
खुरुक्क, काम गर्नै नपर्ने,  
खुशी छन,
सप्पै ! आफै देखि,
भित्रैदेखि,
“देश मनपर्छ ।”
*****
‘भविष्य’, न चिन्ता न चिता,
गजक्क छन,
फुर्सदिला जीन्दगीहरु,
हिस्रक झैँ उड्छन, डुल्छन, फुट्छन,
छताछुल्ल हुँदा,
देशप्रति
न खेद छ
न दु:ख
कत्ति खुशी छन,
देशदेखि,
बिजुली
धारा,
सडक
घर-भाडा
मंहङ्गी
ट्राफिक जाम,
सरकारी निकायका काम,
र वर्तमान कानूनदेखि,
फुच्चे, चुच्चे र बढे नेतादेखि
भित्रैदेखि
सप्पै ! खुशी छन,
“देश मनपर्छ ।”  
*****
वत्ति बाल्नु हुन्न रे !
देखिन्छ,
काला धनहरु
जाली मनहरु
रित्तिएका वनहरु
खेर गएका अपार जलस्रोतहरु,
भष्ट्रचार, कुशासन,
पसिना नचुहाएका अनुहार,
श्रम मुल्य नचिनेका बेसरम,
राष्ट्रिय विभुति बन्ने होड र सपना,
ठाउँ-ठाउँका तालि,
माला माल्यार्पण,
बाँडि-चुँडि विकास,
‘देश’ रुवाउँदै,
खुशी बटुलेका रहरियाहरु,
सँधै खेल्ने,
‘सहमति ! सहमति ! सहमति’
अनौठो राष्ट्रिय ढाकछोप खेल,
“देश मनपर्छ ।”
*****
बिजुली बले, देखिन्छ रे !
चरम वेथिति,
वेचैनी र वर्वादी,
गरीवी, अराजकता, मैला ती अनुहार,
एक धोक्रो मल नपाएका जनता,
शून्यशिलता शुसासन,
कू-शासन,
अन्न नफलेका बाँझा खेतवारी
खान नपाएका,
भोका पेट, अनुहार !  
अह !
बिजुलि बाल्नु हुन्न,
हुँदै हुन्न,  
कहि कतै,
अँध्यारै ठिक
अन्धकारमा को फरक ?
सबै समान
न रंगिविरंगी
श्वामश्वेत नेपाल,
न विभेद
न तराइ,
न पहाड,
न हिमाल
शताब्दीकै ठुलो फट्को,
उत्कृष्ट सोच,
खुशिमा लाज लाग्छ,
किन ?
सुर्यले दर्शन गर्न नपाउँदै,
संसारले देख्ने,
अग्लो चुचुरो-चुलि मुन्तिरको मेरो देश,
अन्धकारमय भयो,
२०४ वर्ष राणा मडारिए,
राजा, महाराजा मडारिए,
प्रजातन्त्र मडारियो,
गणतन्त्र,
अचेल मैदानमा छि:चिमिरा झैँ
सेता हुस्सु मडारिए,
देख्दिन,
नेपाल कता छ?
नेपाली कता छन्?
देश अँध्यारो छ,
मलाइ,
“देश मनपर्छ ।”   

Saturday, November 24, 2012

प्रेम


‘नफुटेका’,
लुप्त इच्छाहरु,
अचेल,
हृदयमा हजार हुन्छ,
‘बेच्न’,
न बजार हुन्छ,
फुतफुताउँदै,
मतिष्क, युद्धको हतार हुन्छ,
खै ! किन हो ?
‘च्वास्स’,
दुखेजस्तो कता,  
र पीडामा,
‘शब्द’ आफै पागल हुन्छ,
‘सम्बन्ध’,
शब्दमा दोष नदेखाउँ,
‘साँचो प्रेम’,
वार कि पार हुन्छ
‘प्रेम युद्धमा’,
‘एउटा हद, अनि सिमाको तार हुन्छ,
न तरबार हुन्छ,
न दरबार
रुप र सम्पत्ति हुँदै हुन्न,
प्रेम नजरले हेर !
रंगिन पनि होइन,
श्वामश्वेत संसार र सबै ‘बराबर’ हुन्छ,   
सुन्छु,  
आजभोलि प्रेममा,
तारा झार्न तछाड-मछाड हुन्छ,
‘एक-चुम्बन’ पश्चात,
सुनको महल झैँ, त्यो प्रेम,
झुप्रो झैँ उजाड हुन्छ,
र त म भन्ने गर्छु,
शुद्ध प्रेमको हृदयमा,
‘एउटा सानो घरबार हुन्छ’
त्यहाँ प्रेम झाँगिन्छ,  
र त्यो सदाबहार हुन्छ,
प्रेमीसंग वारम्बार युद्ध गर,
र पनि,
‘प्रेम’ न बेहाल हुन्छ,
प्रेममा बरु युद्धको,
मिठो ध्वनित सुर र ताल हुन्छ
कहिल्यै नटुट्ने सञ्जाल हुन्छ
शीत युद्ध मात्र कति गर्छौँ ?
‘साँचो प्रेम गरेर हेर !’
‘फुल-फुल्छ’,
र सम्बन्धको ‘सबाल’ हुन्छ !!!

Monday, October 15, 2012

म रोएको दिन

'म' रोएको दिन, आँसु झार्ने छैन,
'सोँच्छु',
आँशु झरेका दिन 'म' हुने छैन,
किन ?  अरुलाइ पिरोल्ने,
यी अधर्मि हातहरु, मलाई धुनु छैन,
'सुकिला' बनाइ, 'छुनु' कसलाइ छैन,
...

'म' रोएको दिन, आँसु झार्ने छैन,
'सोँच्छु',
आँशु झरेका दिन, 'म' हुने छैन,
किन ? अरुलाइ सराप्ने,
यी अधर्मि मुखहरु, मलाई पुछ्नु छैन,
मुकिला बनाइ, चुम्नु कसलाइ छैन,
...

'म' रोएको दिन, आँसु झार्ने छैन,
'सोँच्छु',
आँशु झरेका दिन, 'म' हुने छैन,
किन? अरुलाइ सताउने,
यी अधर्मी रुपहरु, मलाइ सजाउनु छैन,
'नक्कलि' बनाइ, 'मनाउँनु' कसलाइ छैन,
...

म रोएको दिन, आँसु झार्ने छैन,
'सोँच्छु',
आँशु झरेका दिन, म हुने छैन,
...(सन्तु)...

Wednesday, October 10, 2012

म हारेको मान्छे

पछ्याउँदै, सुकेका आशहरु,
गाउँबाट 'शहर' हिँडेको मान्छे,
'ढुंगो' भइ फ्याकिएको,
'म', टुंगो नलागेको मान्छे
'कटेरो'को गल्लीबाट,
एक मुठ्ठी साँस ओकल्न,
'गाँस' बटुल्न, हिँडेको मान्छे
टुटेका 'ज्ञात'हरु,
पुन: 'फुटाल्न' शहर फिरेको मान्छे,
'अक्षर चिनेका' ज्ञानी बज्रस्वाँठ अन्धाहरुमा
हजुर ! 'म' त गिरेको मान्छे,
'सम्भावना' खोस्रदै,
भर्खरै हिजो, शहर छिरेको मान्छे,
'जीत' खोज्दै शहरमा,
बर्षौ भौतारिएको मान्छे,
सबैको नजरबाट,
अझैँ रीत नपुगेको मान्छे,
किन सोध्छौँ?
पटक-पटक
दुनियाँबाटै
'
म हारेको मान्छे'