बन्द

शहर ठप्प गर्नेहरू,

आँसु-अनुरोध;

जीवन ठप्प छन्,

र, ठप्प छन् गाँस, बाँस र कपास  

सक्छौँ,

'बन्द' गर्देऊ,

वेचैन मनहरू,

उदास तनहरू,

उराठ वनहरू,

उफ् ! विक्षिप्त डरहरू,

उछिट्टिएका रहरहरू,

थाकेका पैदल गोडाहरू,  

भोकमा सुकेका पेटहरू

विग्रिल्लि रोगहरू  

छटपटिएका कोखहरू

निस्सास्सिएका भित्रि दोखहरू

ठप्प चोकहरू

'बन्द' गर्देऊ

सारा-सबथोकहरू

आँशु-अनुरोध,

सक्छौँ;

'बन्द' गर्देऊ,

पिल्सिएका यी हरथोकहरू
(पाठक मञ्च, नागरिक-०६९/१२/८ मा प्रकाशित)